Ամենից շատ ես կցանկանայի, որ Դևիդ Մոյեսը երկար մնար «Մանչեսթեր Յունայթեդում»` փորձելով գնալ Սէր ԱլեքսՖերգյուսոնի քայլերով: Իհարկե նոր մարզիչն իր տեսակետն ունի իրավիճակների համար, սակայն նա ինչ-որ բան ունիՖերգյուսոնից: 

Նա նաև շատ եռանդուն է, ինչպես մեր նախկին մարզիչը: Կարծում եմ՝ Մոյեսը շատ համապատասխան է «Մանչեսթերին»:   Մոյեսը միշտ ձգտել է «Էվերթոնին» մրցունակ դարձնել, չնայած ոչ մեծաքանակ միջոցների: Հիմա նա ավելի մեծ հնարավորություններ ունի, և ես հույս ունեմ, որ իր աշխատանքն արդյունքներ կտա: Դևիդն ակումբ է գալիս նոր մտքերով, և ես կարծում եմ, որ մեր ֆուտբոլիստներն ունակ են դրանք ընդունել և ամբողջությամբ նվիրվել աշխատանքին:   Ես մի քանի անգամ խոսել եմ նոր մարզչի հետ, և այն ինչն ինձ շատ է ուրախացնում, որ նա ամբողջությամբ ֆուտբոլային կերպար է: Մոյեսը ցանկանում է ամեն ինչ իմանալ ակումբի մասին: Նա միշտ պատրաստ է նոր տեղեկություն ստանալ, այնպես որ հույս ունեմ՝ մենք մեր հաջող ուղին կշարունակենք արդեն Մոյեսի հետ: Գերազանց հնարավորություն է մեր ակումբի պատմության մեջ նոր գլուխ գրելու համար,- Ֆերդինանդի խոսքերն է մեջբերում Goal-ը: